BUTUAN CITY – Nabungkag sa ginsakpan sa Philippine Drug Enforcement Agency kon PDEA-Surigao del Norte Provincial Office uban sa kapulisan sa Surigao City ug Surigao del Norte sa ilang gilusad ngadug buy-bust operation pasado alas-8:45 kagabii didto sa Borja St., sa Brgy. Washington.
Sa maong operasyon, nadakpan ang drug den maintainer nga si Harold Alaan, 30-anyos, minyo, ingon man ang iyang mga suki nga nag-pot session niadtong higayuna nga nailang sila Vincent Dizon, 24-anyos, taga-San Francisco, Surigao del Norte; Richmond Lopez, 33-anyos ug Lawrence Lumpay, 30-anyos, parehong residente sa Brgy. Washington sa susamang siyudad.
Sigon ni PDEA-Caraga spokesperson Dindo Abellanosa, nakuha gikan sa posisyon sa mga nadakpan ang upat ka sachets sa suspected shabu, bamboo sealer, ug mga non-drug evidence.
Gihikay na nila ang mga kasong atubangon sa mga suspetsado kinsa nagtingkagol na sa karsel sa Surigao City Police Station.
Aminado ang opisyal nga ubay-ubay na nga mga impormasyon karon ang ilang gi-verify kalabot sa mga drug dens ang nagtunhay karon sa entiro rehiyon.
Nalambigit matud pa niini ang mga kanhi ug mga bag-ong drug personalities kansa ipa-ilalom pa nila sa intelligence-based operation aron dili sila mapakyas atol sa kinasuhay.
