-- ADVERTISEMENT --
BUTUAN CITY – Mag-atubang og mga kasong paglapas sa Section 6,7 ug 12 sa Article 2 sa Republic Act 9165 kon mas nailang Dangerous Drugs Act of 2002 ang usa ka drug personality nga nagmintina og drug den human ang malampusong anti-illegal drugs operation.
Natigayon kini sa Purok 2, Brgy. Bonbon ning siyudad sa Butuan pasado alas-6:30 kagabii kondiin nasikop ang subject person nga maoy nanag-iya sa drug den nga si Ryan Napalla.
Na-aresto siya uban sa iyang mga bisita nga sila Daniel Birato, Christopher Singson, Lloyd Arcilla ug Domingo Plangco kinsa nasapon nga nag-pot session atol sa operasyon.
Nakuha gikan sa ilang posisyon ang 6 ka sachets sa suspected shabu nga mitimbang og 15-gramos uban sa mga drug paraphernalia.
