BUTUAN CITY – Ipadayon sunod buwan sa Philippine Drug Enforcement Agency kon PDEA-Caraga ang barangay drug-clearing program human temporaryong gihunong niadtong tali-abot pa ang midterm elections aron dili magamit sa political agenda.
Sigon ni regional spokesperson Dindo Abellanosa, gihimo na kagahapon ang tigom ka-uban ang mga advocacy clusters ug naplanuhan nga sa ikatulong semana sa buwan sa Hunyo, aduna na’y himuong deliberasyon alang sa mga applicant barangays nga gustong magpadeklarang drug-cleared.
Apil sa ilang i-deliberate kadtong mga drug-cleared na nga barangay ug gustong masuta kung namintina ba nila ang maong deklarasyon.
Sigon sa opisyal, sukad niadtong tuig 2017, aduna’y 1,312 ka mga barangay sa entiro rehiyon ang drug-cleared na apan sa pagkakaron, mi-abot na lang kini sa 863 adiser ang moratorium.
Kini tungod kay daghan ang na-revoke human nga wala nahatagan og intervention program sa mga hingtungdang barangay ang mga drug surrenderees.
