BUTUAN CITY – Gikondena ni Senadora Risa Hontiveros ang Government Service Insurance System (GSIS) human nasayrang nag-invest king kapin ₱1 bilyon sa usa ka iladong online gambling platform nga DigiPlus.
Sumala sa privilege speech ni Hontiveros sa plenaryo sa Senado nga igo lang gisugal sa maong ahensy ang kaugmaon sa kapin 2.7 milyong miyembro niini, kini taliwala pa man sa hugot nga pagbabag sa pangamhanan sa mga online gabling ug esabung.
Sumala ni Hontiveros, kung bawal sa mga empleyado sa gobyerno ang magsugal sa casino, ngano matud pa nga gipatad lang sa GSIS ang mga kwarta sa miymebro niini. Nasuta usab sa Senadora nga dunay pattern ang kasamtangang panudlanan sa GSIS diin nakalapas matud pa sa mga lagda nga gilatid sa kongreso arun protektahan ang kwarta sa katawhan.
Sumala sa Senadora, dili lang sa DigiPlus nag invest ang maong ahensya, kundli lakip ang gibuhian niining ₱1.45 bilyon subscription deal sa Alternergy Holdings Corporation, kansa gisulod sa ahensya nga walay pagtugot sa GSIS Board ug wala usay endorsement sa risk oversight committees.
Gawas niini, nbabuking usab sa Annual Audit Report sa Commission on Audit niadtung 2023, nga nag-invest ang GSIS og anaa sa ₱2.38 bilyon sa tulo ka kompanyang walay proven track record sa kita o dividend payout kansa paglapas matud pa kini sa lagda nga anaa sa GSIS Act.
Padayon usab matud pa ang investment niini sa Del Monte Pacific nga dunay $2.3 bilyon nga utang ug nakatala na matud pa og ₱19.1 milyon nga paper loss sa parte sa GSIS. Tungod niini, gipanawagan sa Senadora sa Senado nga subling hulingkaton ang GSIS Law mahitungod sa investments ilabi na sa sunodsunod nga anomaliya.
