BUTUAN CITY – Nag-deploy na ang Surigao del Norte Provincial Disaster Risk Reduction and Management Office ug usa ka drone camera samtang ang tag-iya sa nasadsad nga barge nga LCT CebU Great Ocean usab, nag-deploy na usab og usa ka private plane aron maglusad og aerial survey sa vicinity waters sa mga lungsod sa Malimono ug San Francisco aron maka-augment sa nagpadayong search and rescue operations.
Gipadayon ning adlawa sa Philippine Coast Guard ug sa Philippine National Police-Maritime Group ang ilang operasyon alang sa na-missing pang 9 ka mga tripolante niini human nga malampusong naluwas ang laing pito ug narekober ang upat ka patay na nilang ka-ubanan.
Kagahapon nag-deploy ang PCG og usa ka land mobility vehicle alang sa patrol operations sa kabaybayunan sa mga lungsod sa Malimono ug San Francisco samtang padayon ang paghatag usab sa mga PCG personnel og assistance ngadto sa mga survivors nga anaa sa Malimono Rural Health Unit ug sa Caraga Regional Hospital alang sa ilang paspas nga recovery.
Naka-standby usab sila alang sa dinali-an unya nga admission ug paghatag og medical care ngadto sa laimn pang mga survivors nga ma-rescue.
Nag-deploy usab sila og mga personahe sa funeral services aron pag-monitor sa posibleng mu-abot nga bag-ong casualty unya sa maong insidente.
