BUTUAN CITY- Patay ang driver sa motor nga si Arnel Obrero Escoton, 23-anyos, ulitawo, taga Upper Sta Cruz, Acacia, Buhangin, Davao City, Davao del Sur, samtang angul usab ang angkas niini nga si Edwin L Liclican Jr., 28-anyos ulitawo, taga Purok 6, Brgy. Panagangan, La Paz dihang mibangga sa kasugat nga ten-wheeler truck nga kargado og falcata sa may Secondary National Hoghway, Purok 10, Brgy. Osmeña, La Paz, Agusan del Sur, bandang alas 3:45 sa hapon kagahapon, January 22.
Sumala sa opisyal nga report sa Agusan del Sur Police Provincial Office, gikan matud pa sa Talacogon nga direksyon ang motor ug pauli na kini sa Panagangan, La Paz dihang nahitabo ang insedenti.
Nawad-an matud pa sa kontrol ang motor rasong mibangga kinisa kasugat nga trak.
Daling gidala sa La Paz District Hospital ang mga biktimang samdan apan gideklarang patay ang driver, samtang gi refer usab sa D.O. Plaza Memorial Hospital ang angkas niini, sa pagkutlo ning balita, wala pa hibaw-e ang kasamtangan sa lain pang biktima. Naila ang driver sa truck nga si Genvin Carl B Navigar, 38-anyos, minyo, taga Brgy. Batucan, Talacogon kansa gidala sa La Paz Municipal Police Station alang satukmang disposasyon.
