BUTUAN CITY – Gikumpirma ni United States President Donald Trump nga nagdamyos sa US military ang usa ka gitu-uhang Venezuelan drug vessel nga naglawaug sa international waters samtang padulong sa ilang nasud nga mikalas og tulo ka mga lalaki nga nalambigit sa bayolenteng drug trafficking cartels.
Hinuon, wala siya magpakita og ebidensya nga duna’y kargang ilegal nga druga ang maong barko. Adiser niini, gipadayag na ni Venezuelan President Nicolás Maduro nga depensahan nila ang ilang kaugalingon batuk sa agresyon sa Amerika dayong tawag kang American top diplomat Marco Rubio nga ginoo matud pa sa kamatayon ug sa giyera.
Madumdumang mi-ulbo ang tensyon sa duha ka nasud human nga nag-deploy ang Amerika ug mga warships ngadto sa southern Caribbean nga mao matud pa’y mihimo og mga counter-narcotics operations, nga mikalas og 11 ka mga tawo kondiin gidepensahan ni Rubio ang maong pag-atake tungod kay nagkarga matud pa ang maong barko og mga ilegal nga druga gikan sa Venezuela.
Sa iyang pagpamulong sa Oval Office, gipadayag ni Trump nga duna sula’y pruweba ug ebidensya nga ang maong barko iya sa mga narco-terrorist groups.
