BUTUAN CITY – Gipa-ambit ni Dr Rogelio Florete, chairman sa Bombo Radyo Philippines ug sa Florete group of companies, ang pinakalig-ong prinsipyo nga padayong gipuy-an sa network nga maoy hinungdan sa padayon niining pagbansiwag sulod sa halos unom na ka dekada sukad kini natukod niadtong tuig 1966.
Kini human niya nadawat ang pasidungog gikan sa Philippine Chamber of Commerce and Industry-Iloilo chapter isip usa sa 2025 Captains of the Industry.
Sigon ni Dr Florete, sulod sa daghang katu-igan ug sa padayong pag-evolve ug pag-transform sa Bombo Radyo, namintina sa network ang pagkalig-ong og pabiling grounded sa prinsipyong maoy giya sa operasyon niini.
Dili matud pa angayang ikompromiso ang kamatu-uran diha sa paghatud sa balita apil na ang pagka-maayo sa trabaho ug sa sumbanan sa ingon niini nga natad.
Gipahinungod usab sa chairman ang maong pasidungog ngadto sa tanang media men nga gi-ula ang ilang kinabuhi aron panalipdan ang kagawasan sa pagpadayag.
