BUTUAN CITY – Padayon pa ang imbestigasyon sa kapulisan ug kabomberuhan sa Brgy. Tagcatong, lungsod sa Carmen, Agusan del Norte aron masuta ang hinungdan sa pagdilaab sa usa ka fuel tanker kagahapon sa hapon resulta sa pagkamatay sa driver niini ug pagka-angol sa iyang pahenante ug sa usa ka biker.
Sa eksklusibong pakighinabi sa Bombo Radyo Butuan, gibutyag ni FO1 Lou Franco Arado sa Bureau of Fire Protection kon BFP-Carmen, pasado alas-4:52 kagahapon nila nadawat ang firecall apan wala na sila makakumbati pa pagpalong sa kalayo tungod sa kadako na niini ug risgo pa alang kanila tungod sa posibleng pagbusikad unya niini tungod sa karga niining lana.
Ila na lang gihulat nga mu-abot na lang sa 2-metros ang gihabugon sa kalayo rason nga dihang mi-abot ang mga bomero gikan sa lungsod sa Nasipit ug Buenavista, dinhi na nila kini gigamitan og foam aron kini mapalog ug mubugnaw adiser na nila gipasiritan og tubig hangtud nga nakontrola nila ang kalayo pasado alas-6:23 na sa gabii ug nadeklara ang fire out pasado alas-11:01 na sa gabii.
