Double digit nga oil price increase, la-uman ugmang adlawa

BUTUAN CITY – Nag-ong-ong na usab ang double digit nga pagsaka sa presyo sa mga produktong petrolyo ugmang adlawa. Base sa pagbana-bana sa mga kompanya sa lana, ang presyo sa  gasolina posibleng musaka og 14 hangtud sa 16-pisos matag-litro samtang ang 20 ngadto sa 23-pisos usab ang isaka sa kada-litro sa diesel ug 7 hangtud 10-pisos usab sa kada-litro sa kerosene.

Ang pagsaka mugna gihapon  sa padayong giyera sa Middle East ilabina sa Strait of Hormuz diin mu-agi ang mga mga barkong magkarga sa dul-an 20-porsiento sa mga produkto sa lana sa pangkalibutanong merkado.

Sigon  sa Department of Energy posibleng magpadayon pa ang pagsaka sa presyo sa mga produktong petrolyo kung dili pa mahunong ang giyera sa maong rehiyon.