-- ADVERTISEMENT --
BUTUAN CITY – Hingpit nang milingkod isip bag-ong regional director sa Department of Transportation kon DOTr-Caraga si Patrick Dumaos kanhi hepe sa Finance Department sa maong buhatan hulip kang Alexander Mamao.
Kini human ang formal turn-over of command kaganinang buntag, base na usab sa appointment order nga gipakanaog gikan sa ilang sentrong buhatan.
Gikumpirma sa bag-ong director nga ang iyang appointment order gikan mismo kang Pangulong Rodrigo Duterte og ang iyang designation, primado usab sa ilang kalihim.
Subay sa bag-ong katungdanan, bukas ang iyang buhatan sa bisan unsa mang reklamo nga andam usab niyang desisyunan tungod sa iyang trabahong bag-uhay lang niyang gipanumpaan. (Beth Ruiz)
