BUTUAN CITY – Gitawag nga fake news ni Department of Transportation and railways kon DOTr assistant sec. Mark Tolentino ang gipakaylap nga pamahayag sa progresibong grupo sa pagsupak niini sa modernisasyon nga gihingusgan sa gobyerno.
Sigon ni Asec. Tolentino sayop ang gihatag nga impormasyon sa maong grupo sa katawhan diin pag-phase matud pa ang gihimu sa gobyerno nga apektado lang ang gagmay nga operator.
Pasabot pa sa opisyal, modernisasyon ang gihimu sa kagamhanan diin prayoridad ang kahamugaway ug kaluwasan sa mga pasahero.
Ang gihimu matud pa sa progresibong grupo mao lang ang pagpahagba sa gobyerno. Ang duha ka adlaw nga pagsamok-samok niini sa maong grupo, mas na-apektuhan ang katawhan.
Giklaro nalang sa opisyal nga mas makatipid pa sa maong programa ang mga operator tungod kay ma-angkon nila ang electronic nga sakyanan pinaagi sa 5 percent interest lang nga loan kansa duna pay subsidy niini ang gobyerno kada unit.
Mas dako pa ug income ang operator tungod kay daghan ang makasakay sa maong sakyanan gawas pa sa tipid kining mokunsumo sa gasolina ug dili pa hugaw sa kinaiyahan.
