BUTUAN CITY – Gikumpirma ni Kabus Padatoon kon KAPA Community Ministry International Joel Apolinario nga malabo nang ma-uli ngadto sa iyang mga membro ang kwartang ilang gi-donate sa ministry.
Wala usab matud pa siya’y planong mutahan gawas na lang kung pangayuon sa mga membro.
Sigon ni Apolinario, dili na mabawi pa sa mga membro ang ilang kwartang gibubo ngadto sa mga negosyo sa KAPA kung ipadayon sa Securities and Exchange Commissionkon SEC ang pagpasira sa ilang operasyon.
Iya pang gidugang nga mabalik lang ngadto sa mga membro ang ilang gi-donate nga kwarta kung mabalik kaniya og una ang kwartang iyang unang gitunol kanila kada-adlaw.
Segurado siyang dili na mabalik kaniya ang dakong kwartang iyang nahatag ngadto sa mga membro tungod kay napalit na matud pa kini og mga balay og sakyanan.
Una nang nanawagan si Justice Sec. Menardo Guevarra ngadto kang Apolinario nga ibalik ang donasyon sa mga membro. Gipaneguro usab niining gamiton ang tanang legal nga lakang aron maseguro ang kaluwasan niini gikan sa mga tawong nagtinguhang makabalos kaniya.
