BUTUAN CITY – Gikumpirma sa transition team ni United States President-elect Donald Trump nga mipirma na sila sa memorandum of understanding tali sa White House aron mahatagan og dalan ang Republican nga mulingkod na sa katungdanan karong Enero, 2025.
Ang grupo balik-balik nga mipadayag sa ilang intensyon pagpirma sa kasabutan uban kang President Joe Biden nga naglakip sa pagdawat sa mga limits sa pribadong fund-raising bugti sa federal cash kansa wala na maka-apas sa Septembre ug Oktubre nga deadline.
Ang pamahayag sa transition team nagbutyag nga mag-agad sila sa mga pribadong donors nga nakabase sa Estados Unidos nga ila rang ipahibalo sa publiko inay nga gastuhon ang buhis sa katawhan, pagdawat og langyaw’ng kwarta o kaha paggamit sa mga government buildings ug teknolohiya.
Usa matud pa ka nagtunhay nga ethics plan ang maghatag og giya sa propiedad kansa wala pa gipadayag sa publiko ug ang transition dili mag-require og dugang government ug bureaucratic oversight.
