BUTUAN CITY – Pormal nang nanumpa isip ika-47 nga pangulo sa US si Donald Trump. Gipangunahan ni Chief Justice John Roberts ang pagpanumpa ni Trump sa sulod sa Capitol Rotunda. Gawas sa Abraham Lincoln bible nga gigamit para sa pagpanumpa, gigamit ni Trump ang iyang personal nga bibliya.
Ang nasangpit nga bibliya maoy gigamit niya usab sa unang termino niya isip pangulo niadtong 2017
Human ang pagpanumpa, nagpabuto og canyon ang US military isip tradisyon sa pag-ila niini. Gihimo sa sulod sa Capitol Rotunda ang pagpanumpa karun tungod sa hilabihan katugnaw sa panahon sa gawas.
Ulahing gihimo ang indoor nga pagpanumpa niadtong panahon ni kanhe US President Ronald Reagan sa tuig 1981.
Adiser pa ang pagpnumpa ni Trump nanumpa na usab isip iyang bise presidente si JD Vance nga gipangunahan ni Supreme Court Justice Brett Kavanaugh.
Mitambong sa nasangpit nga pagpanumpa ang mga napiling maglangkob sa iyang gabinete lakip na ang mga kanhe pangulo sa US ug ilang mga asawa.
Sa nahimong pamahayag ni Trump, nagdeklara gelayon kini og pagsugod sa golden age sa amerika diin gibutyag nga iyang tumanon ang unsa may iyang gisaad atol sa pagpangampanya.
Nagkadaiyang mga kamanduan ang giyagyag ni US President Joe Biden atol sa iyang paglingkod isip presidente. Ang maong mga lakang mao ang pagsugod matud pa sa hingpit nga pagka-ayu sa amerika.
Una niini ang pagdeklara og national emergency sa southern border diin ang tanang illegal nga misulod pug-ngan og sugdan ang pagproseso sa pagpauli sa milyones nga mga tawo balik ngadto sa ilang tagsa-tagsa ka mga lugar.
