BUTUAN CITY – Kanunay nga giratol-ratol ni Vice President Kamala Harris sa ilang 90-minutos nga debate si kanihi President Donald Trump rason nga kanunay niining malugwayan ang iyang mga depensa sa daghang mga isyu ilabina dihang gihisgutan ang January 6 attack sa US capitol apil na ang iyang mga opisyal nga nagserbisyo sa iyang administrasyon kinsa dayag kaayo nga mga kritiko sa iyang kampanya. Mi-abot si Harris sa maong debate nga duna’y klarong weaknesses sa huna-huna sa daghang mga Americano ilabina sa hisgutanang inflation, immigration ug sa Afghanistan withdrawal. Apan mas daghan ang wala matumbok nga tubag ni Trump nga posibleng basulan niya sa umalabot nga mga adlaw tungod sa missed opportunity.
Wala gipalabay ni Donald Trump ang pagdagsa sa ilang nasud sa milyunes ka mga tawong gikan matud pa sa mga prisuhan, mental institutions ingon man mga insane asylums subay na sa isyu sa migration. Sila matud pa ilabina ang mga African-Americans ug Hispanics, ang mi-ukupa sa trabaho sa ilang nasud. Gidamay usab niini ang mga unyon dayong butyag nga ang mga migrants na ang nag-ukupa sa daghan nilang mga lugar apil na sa mga dakbalay ug nanggisabwag pa og kagubot. Ang maong klase matud pa sa mga tawo, gipasulod nila Harris ug President Biden hinungdan sa pagkaguba karon sa ilang nasud rason nga target sa yang administrasyon ang pagpapahawa kanila sa ilang nasud tungod sa ilang ka-delikado. Gipanghinambog pa niini nga siya ang nagmugna og pinaka-maayong ekonomiya sa ilang nasud nga iya usab nga usbon.
Tungod niini, gi-usa usa ni Harris ang gibilin ni Trump sa Biden administration, kondiin lakip na niini ang pinakangil-ad nga unemployment sukad ang great depression. Anaa pa ang pinakangil-ad nga public health epidemic sa siglo apil na ang pinakangil-ad nga pag-atake sa ilang demokrasya sukad sa civil war. Tungod niini, sila sa Biden administration ang nanghinlo sa mga hugaw nga gibilin sa Trump administration. Ang ilang mas gikahadlukan mao ang plano matud pa ni Trump nga ipatuman ang delikadong ‘Project 2025’ kung kini mudaog.
Sa dagan sa ilang debate, kanunay nga mudepensa si Trump tungod sa daghang mga birada ni Harris nga kinahanglan niyang tubagon. Anaa pa ang pagtawag kaniyang huyang,kataw-an lang sa mga foreign leaders samtang mibiya na ang iyang mga tawo sa mga rali tungod sa kakapoy ug kalaay. Kung husgahan nato ang debate kung kinsa ang misaug og pildi sa mga isyung lang gihisgutan nga maol unya’y sukdanan sa mga botante, pabor kini nga debate Bombo Rolan kang vice-president.
