BUTUAN CITY – Nakonbikto si kanhi United States of America President Donald Trump sa tanang 34 ka ihap sa mga kasong pag-falsify sa mga business records sa iyang makasaysaynong criminal trial sa New York.
Kini ang unang higayon nga usa ka kanhi US president, ang nakonbikto sa usa ka kremin.
Posibleng hukman siya og pagkabilanggo karong July 11 apan gibutyag sa mga legal experts nga posibleng pamultahon usab siya’
Gitawag usab ni Trump ang maong hukom nga usa ka kaulawon dayong batikos kang New York Supreme Court Justice Juan Merchan, nga maoy nag-preside sa kaso.
Migawas ang desisyon samtang nangamanya siya aron pildihon si incumbent President Joe Biden sa eleksyon karong Nobyembre uug mubalik sa White House.
Mi-abot sa 22 ka mga witnesses ang gitaral sa unom ka semanang pagdungog apil na si Stormy Daniels, kinsa gika-ingong duna’y sexual encounter kang Trump kansa maoy sentro sa kaso.
Gi-akusahan si Trump og pag-conceal sa bayad nga gihimo sa iyang kanhi abogado aron paliton ang pagpakahilom sa kanhi adult film star adiser ang 2016 election.
12 ka mga jurors ang nag-deliberate sulod sa duha ka adlaw adiser nakab-ot ang hini-usang hukom.
Bisan pa man sa maong hukom, eligible pa gihapon si Trump nga mudagan sa White House, ug base sa nakalatid sa US Constitution, apil sa mga requirements alang sa mga presidential candidates nga kinahanglang nag-edad sila og dili mu-ubos sa 35-anyos, usa ka “natural born” US citizen ug ngapuyo sa Amerika sa dili mu-ubos 14 ka mga tuig.
Wala usa’y rules nga mubabag sa mga kandidatong duna’y criminal records tungod kay bisan gani ang usa ka tawong napriso na, mahimo gihapong mudagan pagka-presidente.
