BUTUAN CITY – Gikompirma sa Department of Justice (DOJ) nga ang ilahang ahensya ang murepresenta alang sa mga opisyal sa gobyerno sa consolidated nga habeas corpus petition nga gipasaka sa mag-igsoong Duterte.
Kini human miatras ang Office of the Solicitor General isip abogado sa gobyerno.
Sa ambush interview, gikabutyag ni Justice Secretary Jesus Crispin Remulla nga nasang-at na nila ang komento sa Supreme Court kagahapong adlawa.
Sayran nga dili morepresenta ang OSG sa pangamhanan tungod kay duna matud pay mga abugado sa ilahang ahensya nga dunay baruganang walay hurisdiksyon ang International Criminal Court sa Pilipinas.
Nag-ugat ang maong lakang sa unang petisyon nga gisang-at sa kampo ni Duterte — pinaagi sa mga anak niining sila si Veronica “Kitty” Duterte, Davao City Mayor Sebastian “Baste” Duterte, ug Davao City Representative Paolo “Pulong” Duterte — sa korte suprema kansa nag laum nga mapugngan pa sa pangamhanan ang pagpadala niini sa The Hague niadtung Marso 11. Una nang gi deny sa Supreme Court ang maong petisyon, apan padayon gihapon ang maong kaso sa kinatibuk-an.
Respondents usab sa maong kaso sila si Executive Sec. Lucas Bersamin, Justice Sec. Boying Remulla, PNP Chief Rommel Marbil, CIDG Chief Nicolas Torre III, DFA Sec. Enrique Manalo, AFP Chief Romeo Brawner, Usec. Antonio Alcantara sa Philippine Center on Transnational Crime ug kanhi Immigration Commissioner Norman Tansingco.
