BUTUAN CITY – Gikumperma ni Secretary Jesus Crispin Remulla nga aduna nay bag-ong mga testigo nga gihawiran ang Department of Justice (DOJ) mahitungod sa mga nangawalang sabungeros.
Sumala sa kalihim, gawas sa uban pang mga testigo sama ni alyas ‘Totoy’, duna na usab sila’y mga bag-ong testigo nga makatabang sa ilang imbestigasyon apan nagdumili pa kini pagbutyag sa ilang identity.
Sumala sa opisyal, dili lang testimoniya ang ilang gikuptan kundili lakip na usab mga konkretong ebidensya nga gipa-ambit sa maong testigo.
Nagtoo usab ang kalihim nga mapalig-on niini ang kredibilidad sa testigong si alyas Totoy. Samtang gikumpirma sa kalihim ang pagtangtang sa usa ka service commander sa Philippine National Police atol sa pagbisita ni PNP Chief General Nicolas Torre III sa Department of Justice.
Pasabot ni Remulla nga ang pagtangtang tungod sa dili matud pa ha-um nga lihok sa maong pulis atul sa gihimong imbestigasyon.
Subay niiini, nagpadayon pa gihapon ang search and retrieval operations sa Taal Lake taliwala sa dili maayo nga panahon nga naka-apekto sa paningkamot sa mga awtoridad. Kini ilabina sa pag-salum sa gipangita sa mga patayng lawas sa mga missing sabungeros.
