BUTUAN CITY – Suportado sa Department of Health kon DOH ang pag-usbaw sa pondo sa Department of Agriculture kon DA. Kini may kalabutan na pagpalapnag sa naulahi sa ilahang kampanya batok sa rabies pinaagi sa pagbakua a mga kahayupan sa nasod.
Kahinumdumang gikataho sa Department of Health nga mas ningsaka pa ang kaso sa rabies sa Pilipinas sa unang lima ka bulan ning tuiga, diin kumpara sa naka labayng tuig, ning-ulbo ang kaso sa rabies sa nasod ngadto sa 13%, nga anaa sa 160 ka mga tawo ang namatay tungod sa maong kaso.
Sigon ni Health Secretary Teodoro Herbosa, suportado niini ang pagusbaw sa pondo sa DA aron mahimo sa maong ahensya ang lapad nga pagpamakuna sa mga mananap sa Pilipinas.
Sa kasamtangan, gipas-an sa Department of Agriculture ang responsibilidad sa pagpamakuna sa 22 milyones ka mga iring ug iro sa nasod.
Sumala sa pinakaulahing datus sa Department of Health, 92% sa mga natalang kaso sa rabies sa unang lima ka bulan karong tuiga ang nagsumikad sa pinaakan sa iro, 6% lamang niini ang gikan sa mga iring, ug ang nahabiling porsyinto, gikan na sa mga nagkadaiyang kahayupan.
