BUTUAN CITY – Gipa-andam na ni Senador Christopher ‘Bong’ Go, chairman sa Senate Committee on Health and Demography, ang Department of Health kon DOH karong misulod na ang rainy season.
Partikular nga gipa-andam sa senador ang mga tambal nga ipang-apod apod unya sa mga evacuation centers higayong duna’y mga lugar sa nasud nga makasinati og grabe nga pagbaha.
Gipa-amping usab niini ang publiko batuk sa mga sakit nga dala sa pag-ulan sama sa , hilanat, ukbo, sip-on, dengue, diarrhea, malaria, leptospirosis ug uban pa karong duna na’y pipila ka mga lugar nga nagsugod na sa pag-ulan.
Una nang nanawagan si Senadora Loren Legarda ngadto sa mga hingtungdang ahensya sa gobyerno nga mag-triple sa ilang pagpangandam batuk sa kalamidad nga mahatud sa padayong pag-ulan ilabina nga pa-usab usab ang klima sa nasud.
