BUTUAN CITY – Giklaro sa Department of Health nga walay natalang kamatayon sa Pilipinas tungod sa Monkeypox, kon Mpox virus.
Kini ang gikumperma ni DOH Spokesperson Albert Domingo, diin dugang niini nga “negative” matud pa ang resulta sa Mpox dinhi sa Pilipinas sumala sa DOH-Research Institute for Tropical Medicine (RITM).
Gipagawas ni Domingo ang maong katin-awan human nga ningtumaw ang balita nga nag imbistiga matud pa ang Department og Health kon DOH Central Visayas sa kamatayon matud pa sa 27-anyos nga lalaki sa Negros Oriental tungod sa maong sakit.
Gihangyo usab sa maong opisyal ang publiko nga likayan ang pagpakuyanap sa mga sayop nga balita’g impormasyon, ilabi na matudpa nga halos magkaparehas lamang ang sintomas sa Chickenpox (bulutong-tubig), Shingles, Herpes, ug Mpox.
Subay niini, kinahanglan usab matud pa nga mokuha lamang og mga imporamsyon sa mga otorisadong pamahayag sa Department of Health.
