BUTUAN CITY – Gi-awhag ni infectious disease expert Rontgene Solante ang Department of Health (DOH) nga paspasan ang pagpalit og mga bakuna batuk sa flu o anti-flu vaccine.
Sigon ni Dr. Solante, kinahanglang mupalit na ang DOH og hangtud 5 million doses sa anti-flu vaccine tungod sa gila-umang subling pagtaas sa mga influenza cases sa musunod nga mga buwan.
Ang mga palitong bakuna, mahimong gamiton alang sa mga senior citizens ug sa vulnerable population aron mahatagan sila og igong proteksyon ug malikayan ang mortality, pagka-ospital, ug uban pang komplikasyon nga hatud sa flu o trangkaso.
Dugang pa ni Solante, magsugod ang peak sa kaso sa Agusto hangtud Disyembre ug posibleng mapadayon pa sa unang bahin sa Enero sunod tuig.
Kinahanglan matud pa ang mas lapad nga coverage sa pagbakuna, ug kung mahimo mabakunahan ang tanang mga senior citizens batuk niini.
