BUTUAN CITY -Gikatakdang ilusad ning rehiyon sa Caraga ang vaccination campaign alayon na sa gipakanaog nga kamanduan sa Department of Health kon DOH batok sa pagbalik sa sakit nga polio.
Target karon sa Department of Health Caraga nga 95% sa mga bata nga nag-edad og singko anyos paubos ang mabakunahan batok sa maong sakit.
Nasayran nga anaa palang sa 24% gikan sa target ang nabakunahan ug polio vaccine sulod sa 1st semester ning rehiyon.
Sa gilusad nga press conference gikabutyag sa mga opisyal nga unang ipahigayon ang pagpamakuna sa Lanao del Sur, Metro Manila, Davao City ug mosunod niini ang Caraga.
Kahinumdumang gikabutyag ni Health Secretary Francisco Duque nga dunay tres anyos nga bata ang nakumpirm nga natakdan sa sakit nga polio sa Lanao del Sur samtang laing 5 anyos usab nga bata sa Laguna.
Alayon niini panawagan sa opisyal ngadto sa mga ginikanan nga suportahan ang libreng bakuna batok polio nga ilusad sa Department of Health.
