BUTUAN CITY – Aktwal nga nasaksihan sa mga sakop sa Philippine Anti-Corruption Czar kon PACC ang pagkahugmak sa Dankias–Danapa Road concreting project gikan sa Purok 3 ngadto sa Purok 7, Barangay Dankias, ning siyudad sa Butuan, usa ka buwan lang human kini nakompleto.
Ang balor ₱6.8 million nga proyekto, gipatuman sa Department of Public Works and Highways kon DPWH Butuan City District Engineering Office ug gi-awarded to ROIM Builders & Construction Supply, kansa kabahin sa Fiscal Year 2023 infrastructure program.
Taliwa nga bag-uhay pang gi-turn over, ang 20 ngadto sa 30 meter section sa bag-ong gi-construct nga dalan, naghugmak na rason nga na-expose ang klaro nga substandard work.
Nasuta atol sa inspeksyon nga wala’y ebidensya nga duna’y landslide tungod sa maong project site rason nga dili kini tungod sa natural disaster.
Wala usab kini slope protection ug drainage hinungdan nga prone sa soil erosion ang kilid sa dalan ug dili usab maayo ang base ug sub-base preparation – tungod kay gibubu-an lang kini og huyang ug uncompacted soil.
Gawas pa, dili usab consistent ang gibag-on sa semento, guba pa ang mga slabs ug wala’y visible reinforcement.
Nasuta sa Philippine Anti-Corruption Czar kon PACC nga klarong paglapas sa Department of Public Works and Highways kon DPWH Standard Specifications ang substandard kaayong Dankias–Danapa Road concreting project.
Sigon ni PACC Chairman Doc. Louie Ceniza, nakalatid sa maong blue book ang pagbutang og saktong compaction, slope protection, ingon man proper drainage alang sa mga road projects.
Sigon ni kanhi Barangay Captain Ben Otaza, ila na kining gi-report ngadto sa DPWH ug sa contractor apan nagdumili pag-repair niini ang contractor tungod sa kawala na matud pa’y pundo.
Nasayrang ilalom sa RA 9184 kon Government Procurement Reform Act ug sa DPWH contract conditions, ang mga contractors, legally bound sa usa ka tuig nga warranty liability period ug ang pagdumili sa pag-repair makonsiderang seryusong breach of contract.
Tungod niini, girekomenda sa PACC ang pagmando sa contractor nga i-repair kini nga wala na’y gastuhon pa ang gobyerno, pahamtangan og administrative sanctions ug i-blacklist ang ROIM Builders & Construction Supply, imbestigahan ang mga opisyales sa DPWH Butuan District Engineering Office tungod sa posibleng pagpasagad o kaha panagkunsabo.
Anaa pa ang pagpasaka og kasong kriminal ug administratibo batuk sa mga responsable sa maong proyekto.
