BUTUAN CITY – Mi-abot sa kantidad nga ₱6,800.00 ang nakuhang gidudahang shabu sa gilusad nga drug buy-bust and seizure operation kagahapon sa alas-5:39 sa sayo sa buntag sa usa ka high value individual sa may Tamarind Road, Brgy. Dagohoy ning siyudad sa Butuan.
Nakuha gikan sa subject nga si alyas Panyor, 28-anyos, ulitawo ug residente sa Purok Ube, Brgy. Maon, ning siyudad ang usa ka gramo sa gidudahang shabu.
Apil sa nakuha ang usa ka keypad cellphone, usa ka belt bag, usa ka tinuod nga ₱500.00s nga kwartang papel isip buy-bust money, ₱250.00 nga cash ug upat ka transparent plastic sachets nga duna’y sulod nga suspected shabu; kansa anaa na sa kostudiya sa Butuan City Police Station 1- Drug Enforcement Unit alang sa tukmang disposisyon.
