BUTUAN CITY – Gi-double check na ang DNA kon deoxyribonucleic acid sa mga pasaherong namatay sa nahagsang Indian Air ug ang DNA sa ilang pamilya alang sa ilang tukmang identity.
Sigon ni Bombo international correspondent to India Gee de la Cruz, kini tungod kay dili na ma-ila ang mayoriya sa mga biktima tungod sa ilang pagkasunog ug nabungkag pa ang uban.
Sa eksklusibong pakighinabi sa Bombo Radyo Butuan, gibutyag ni de la Cruz nga wala pa’y gipagawas nga update ang Indian government sama sa hinungdan sa pagkahagsa ilabina nga napalgan na ang usa sa duha ka mga black boxes.
Duna na’y gimugnang hotline aron matawagan sa mga kabanay sa mga biktima nga gustong makakuha unya og update sa ilang imbestigasyon ug sa gihimong DNA testing.
Mas istrikto na usab ang operasyon sa ilang airport human sa hitabo aron masigurong dili na ma-usab pa ang insidente nga duna lama’y usa ka survivor.
Sigon ni de la Cruz, gi-abaga sa kagamhanan sa India ang galatushan sa iyang pagpa-ospital ug gikatakdang makagawas kini sa labing daling panahon.
