BUTUAN CITY – Gidayeg ug gipasalamatan ni Department of Migrant Workers Secretary Hans Leo Cacdac ang mga Overseas Filipino Workers kon OFW atul sa selebrasyon sa Migrant Workers Day karong adlawa, Hunyo 7.
Sumala sa opisyal nga ang mga OFW ang mga ‘modern day hero’ sa kasamtangan nga panahon, tungod sa walay puas niining paningkamot ug pag sakripisyo, dili lang para sa ilahang kaugalingong pamilya, kundili alang na usab sa nasod-Pilipinas.
Dugang ni Cacdac, nakapunting karon ang panlantaw sa ilahang ahensya sa pagpalig-on sa ilahang mga programa ug serbisyo arun proptektahan ug masiguro ang katungod sa mga trabahanteng Pilipino.
Una niini, nadawat usab sa 37 ka mga distressed OFW’s – o mga OFW’s nga giabusaran sa laing nasod – ang 30,000 Pesos pinansyal nga tabang gikan sa Department of Migrant Workers, ilawom kini sa ilahang Action Fund.
Sumala sa ahensya nga moduol lang sa ilahang mga buhatan ang mga OFW’s nga gustong maka-avail sa maong programa arun sila matabangan ug dali rang maproseso ang mga gikinahanglan nga rekisitus.
