BUTUAN CITY – Subling na-utingkay ang isyu kaniadtu ni kanhi Presidente Rodrigo Duterte nga mosakay kini og Jet Ski sa west Philippine Sea isip timaan sa pag-angkon niini sa Pilipinas. Sumala sa Philippine Coast Guard nga importante ug kinahanglang ipadayon sa mga musonod nga leader sa nasod ang pakigbisog alang sa West Philippine Sea.
Sigon ni Philippine Coast Guard Spokesperson on West Philippine Sea Commodore Jay Tarriella, kinahanglang dili mamahimong Presidente sa nasod ang si kinsa man nga ipadaplin nalang ang pakigbisog alang sa nasangpit nga kadagatan kansa iya sa Pilipinas.
Dugang niini nga dili na motalab ang mga saad nga ‘mag jet ski’ tungod kay hapsay ug konkretong inisyatiba man ang kinahanglan sa hisgutanan mahitungod sa kadagatan sa Pilipinas.
Subay niini, gidayeg usab sa opisyal ang inisyatiba sa mga sibilyan kansa ninglawig sa West Philippine Sea sama sa bag-ohay lang natapos nga concert sa Palawan ingon man sa katugbang niining Pag-asa island. Dugang sa ahensya, importante matud pa ang kahibalo sa mga Pilipino sa West Philippine Sea arun malikayan ang sayop nga impormasyon.
Sumala ni Triella nga dili lamang isyung Politikal ug panginabuhian ang West Philippine Sea, kundili isyu kini sa nasod nga kinahanglang hatagan og igong pagtagad.
Sigon niini nga tumong sa panggamhanan sa Pilipinas nga ipakita ang tinood nga sitwasyon sa West Philippine Sea arun masabtan sa mga Pilipino ang mga hagit nga giatubang sa nasod ilabi na sa mga kadagatang sakop niini.
Ang pamahayag ni Philippine Coast Guard Spokesperson on West Philippine Sea nga si Commodore Jay Tarriella.
