BUTUAN CITY – Hugtanong gipanghimakak ni Col. Raymund Dante Lachica, ang kanhi commander sa security team ni Vice President Sara Duterte nga bagman siya sa besi presidente ug nagdawatan og kwarta gikan sa Philippine Offshore Gaming Operators kon POGO ug mga drug syndicates.
Kini human siya gi-apil sa affidavit sa Ramil Lagonoy Madriaga, usa ka self-proclaimed “bagman” nga mao matud pa’y midawat sa gi-deliver niya nga kwarta alang sa kampanya ni VP Sara Duterte sa 2022.
Sigon ni Lachica, wala siya’y koneksyon o kaha nag-uban sa nagpa-ilang si Ramil Lagonoy Madriaga – lider sa kidnap-for-ransom group ug nagpaila nga ex-bagman matud pa ni VP Sara.
Madumdumang nakalatid sa sworn statement ni Madriaga nga siya matud pa ang naghatagan og intelligence report kang VP Sara tuig 2018 sa pagdagan unta niini pagka-presidente sa 2022 national election.
Siya usab matud pa ang nagmugna sa “Inday Sara Duterte Is My President” (ISIP), ug kanhi usab matud pa siya intelligence operative sa National Security Council, Presidential Security Group, ug sa Intelligence Service of the Armed Forces of the Philippines.
Wala pa’y gipagawas nga pamahayag ang bise presidente kalabot sa maong akusasyon.
