BUTUAN CITY – Gipahimangnuan ni US President Donald Trump sa bag-ong lider sa Venezuela nga si Delcy Rodríguez nga mahimong makabayad siya og dako nga posible pang mas dako kaysa kang Maduro kung dili niya buhaton ang hustong butang.
Sa iyang pakigpulong sa The Atlantic, gibutyag sa US president nga alang sa Venezuela, ang pag-ilis sa rehimen, bisan unsa pa ang itawag niini, mas maayo kaysa sa kahimtangan karon.
Sa iyang unang cabinet meeting, si Rodríguez nga manumpa pila ka oras gikan karon, nagpa-abot og direktang panawagan kang Trump nga ang ilang katawhan ug ang ilang rehiyon, gusto og kalinaw ug dayalogo ug dili kay gubat.
Samtang, gilauman nga mutunga si Maduro sa usa ka korte sa New York human siya nadakpan atol sa US air strikes sa Venezuela niadtong Sabado tungod sa iyang gi-atubang nga mga kasong may kalabotan sa drug trafficking, nga iyang gipanghimakak.
Sumala ni US Secretary of State Marco Rubio, ang Estados Unidos nakiggubat batok sa mga drug trafficking organizations ug dili batok sa Venezuela mismo.
