BUTUAN CITY – Gi-andam sa Social Security System (SSS) ang programang nagtumong nga makatabang sa mga miyembro niining nag-atubang sa pinansyal nga panginahanglan.
Sumala ni SSS President Robert Joseph De Claro, ilang ilusad ang programang micro loan facility adiser ang Disyembre pinaagi sa SSS ug sa iladong institusyong pinansyal sa Pilipinas.
Nag-unang tumong niini ang paghatag og pinansyal sa mga mamumuo aron makunhuran ang panginahanglang sa mga miyembro nga mangutang sa mga mapahimuslanong lending schemes, nga kasagrang moresulta sa pagkabiktima sa mga loan sharks pinaagi sa dili makatarunganong interest.
Dugang pa ni De Claro, ang interest sa nasangpit nga micro loan facility, susama lang sa ilang gipatong nga loan interest rates. Hatagan ang mga membro sa maong programa og kakapas nga mobayad sa 15 ngadto sa 90 ka mga adlaw.
