BUTUAN CITY – Subling nakuha sa Lungsod sa Nasipit ang over-all champion sa Division Athletic Meet 2024 human makalabnot og dako nga puntos sa medal tally.
Ang Nasipit nakakuha og 142 ka gold medals, 100 ka silver medals, ug 107 ka bronze medals, nga nagpakita sa ilang pagka-dominante sa nagkalain-laing sporting events.
Mahinumduman nga sa milabay nga Division Athletic Meet, ang Nasipit usab ang nakadaog sa overall champion, ug karon, napamatud-an nilang mapadayon gihapon ang ilang pagka-number one pinaagi sa determinasyon ug paningkamot sa ilang mga atleta ug coaches.
Gihimo ang Division Athletic Meet 2024 sa lungsod sa Nasipit nga gisugdan niadtong Disyembre 4 og natapos kagahapong adlawa, Disyembre 7.
Sa nahimong mensahe ni Mayor Roscoe Plaza, gipasalamatan niini ang mga atleta ug coaches, nga nagpakita og kaisog ug determinasyon aron mapanalipdan ang dungog sa lungsod.
Ang kadaugan dili lamang matud pa para sa Nasipit apan usa ka inspirasyon para sa tibuok Agusan del Norte.
Nasyarang First runner up usab ang lungsod sa Buenavista human nakakuha og 86 ka Gold, 100 ka silver og 91 ka bronze.
Nagsunod kaniya ang Las Nieves nga dunay 57 ka gold, 70 ka silver og 75 ka bronze, nga gisundan sa Jabonga, Magallanes, RTR, Tubay, Kitcharao, Santiago og Carmen.
Sa culmination progra, gipasidunggan usab ang Tubay isip Most Clean and Eco-Friendly Delegation og Most Disciplined Delegation during Division Athletic Meet 2024.
