BUTUAN CITY – Posibleng makukumpleto na sa Department of Agriculture (DA) ang distribusyon sa P12 billion nga cash assistance alang sa mga mag-uuma karong umalabot nga Setyembre, 2024.
Ang maong kantidad kay lakip sa P20 billion nga subra sa taripa nga nakulekta sa pangamhanan nga niadtung nakalabayng tuig gikan sa 3.6 million ka toneladang bugas nga ilang gi angkat.
Kadumdumang ning kabat sa P30 billiones ang nakulektang taripa sa bugas niadtung nakalabayng tuig gikan sa mga imported rice.
Kahibaloang sumala sa balaod, mamahimong gamiton sa pangamhanan ang nakukulektang taripa sa bigas nga ningsubra sa P10 billiones alang sa mga nagkadaiyang programa, sama sa nahisgutang cash assistance, land titling, crop diversification, ug dugang insurance para sa mga mag-uuma sa humay.
Gipili uysab sa Department of Agriculture (DA) nga ipanghatag ang P12 billion nga sobra sa nakulekta gikan sa taripa ngadto sa mga mag-uuma sa humay isip mga benepisyaryo ilawom sa rice farmers financial assistance program.
Ilalum sa maong programa, ang mga dunay basakan nga diili moubos sa duha ka ektarya, makadawat og tag-P5,000.
Sigon ni Secretary Francisco Tiu Laurel Jr., gipadali na ang pagpangahatag sa maong mga cash assistance, diin target kining mahuman karong Setyembre.
Gawas sa cash assistance, ipanghatag usab sa ubang programa ang subra pa nga kita gikan sa taripa, sama nalang sa P7 billion alang sa crop diversification, ug P1 billion para sa land titling.
