BUTUAN CITY – Wala pa madawat ni Cabadbaran City Councilor Lovejoy Quiambao ang desisyon sa Korte Suprema nga nag-disbar kaniya tungod sa paglu-ib kon infidelity human nasuta nga nakakumitar kini og tulo ka extramarital affairs ug usa ka bigamous marriage.
Sigon sa usa ka source nga duol sa konsehal, dili pa final ang desisyon sa taas nga hukmanan rason nga mag-file kini og motion for reconsideration.
Aminado kining nakahimo siya og sayop ug dili siya loyal ngadto sa iyang kanhi asawang si Merriam Rojas.
Gani gihangyo na matud pa ni Quiambao ang Korte Suprema nga pahamtangan siya og mas gaan-gaan nga silot apan wala kini mulampos sa rason nga gibarugan sa Korte Suprema nga bigamous ang iyang ikaduhang kaminyuon kansa iyang ginegar nga dili tinuod.
Kini tungod kay balido matud pang na-annul ang ilang kaminyuon ug duna pa’y gipagawas nga court decree rason nga base sa record sa Philippine Statistics Authority kon PSA, na-dissolve na ang iyang kaminyuon nga mao usa’y rason nga na-isyuhan kini og Certificate of No Marriage kon CeNoMar.
Wala matud pa magbutyag ang konsehal nga dili siya silutan apan bug-at ra kaayo kini kansa gibase matud pa sa admission sa abogado sa iyang sala ug sa gika-ingong bigamous marriage nga dili matud pa tinoud.
