BUTUAN CITY – Hugtanong gipanghimakak ni TV host’actor Dingdong Dantes ang usa ka post kondiin nagkomento matud pa siya bahin sa pagdagan ni Vice President Sara pagka-presidente sa 2028 elections, dayong tawag niining “false” o wala’y kamatuoran.
Giklaro kini sa aktor pinaagi sa pag-share sa screenshot sa maong post ngadto sa iyang opisyal nga Facebook account kansa gikan sa account sa profile name nga Amy Imperial Ugay.
Nakalatid sa maong post nga hadlok matud pa kung modaog si VP Sara kay nakitanniya ang kaisog, kaalam ug abilidad niini nga sama sa kapasidad sa iyang amahan nga si kanhi Pangulong Rodrigo Duterte.
Dali kining gipanghimakak sa actor uban sa sa caption nga wala siya nagsulti niini.
Ang post sa actor nakadawat og usa ka milyon nga reactions, kapin sa 18,000 ka comments ug 33,000 ka shares samtang gi-delete na usab kini sa nag-upload dayong pangayo og pasaylo sa actor human kini mikatap sa ubang online platforms.
Gidawat usab niya ang iyang sayop nga maka-uulaw, dayong pakapin nga mas maka-uulaw ang mahimong kawatan.
