BUTUAN CITY – Isira na sugod ning adlawa Miyerkules Disyembre 9, ang Dinagat Islands province hangtud na sa Enero 8, 2021 kondiin dili na sila magpasulod og bisan kinsang indibidwal bisan na sa mga Dinagatnons, gawas lamang sa mga aduna’y medical emergencies, transportasyon sa goods ug uban pang basic necessities ug kadtong duna’y kalabutan sa banking ug uban pang financial transactions.
Ang maong lakang nakalatid sa resolusyon nga nasabutan sa tanang mayor sa probinsya uban ni Gov. Arlene ‘Kaka’ Bag-o ug sa Provincial Inter-Agency Task Force, temporaryo lang aron mahatagan og 15-day rest period ang tanang frontliners gikan sa barangay, munisipyo,ug probinsya.
Kini isip pagpatuman usab sa COVID-19 mechanisms kondiin nakalatid usab nga sa nasangpit nga panahon, kinahanglang mu-comply ang tanang munisipyo sa COVID-19 health protocols ug minimum health standards gikan sa Department of Health alang sa tanan nilang mga kalihukan.
Ang tanang national government agencies kauban sa DOH ug Regional Inter-Agency Task Force / One Caraga Shield, mga mining companies, ug uban pa nga aduna’y kontrata sa government institutions sa pag-implementar sa mga proyekto, himoan ug dinali-ang arrangements aron maka-comply sa resolusyon.
Aduna usay silot nga naghulat alang ni bisan kinsang tawo o institusyon nga mulapas sa resolusyon ug criminal, civil, ingon man administrative liability nga nakabutang sa existing national, regional, local rules ug issuances.
