BUTUAN CITY – Gitubag sa Malacañang ang pamahayag ni Vice President Sara Duterte nga matud pa sukod ang mga Pilipino sa pag-aresto ug pagdala kang kanhe Pangulong Rodrigo Duterte sa The Hague.
Sa pakighinabi sa Davao City, gibutyag ni VP Sara Duterte nga nagpabiling suko ang daghang Pilipino sa nahitabo ug dili matud pa mawala ang kasuko sa mga niini hangtud nga dili mabalik sa Pilipinas ang kanhe Pangulo.
Sigon ni Palace Press Officer Claire Castro, ingon-ani ang panan-aw sa Bise Presidente tungod kay ang iyang amahan ang nag-atubang sa kasong crimes against humanity sa International Criminal Court (ICC).
Bisan paman gipamugos ni Castro nga dili mamahimong tananon ang mga Pilipino nga dunay parehong pagbati mahitungod sa isyu.
Matud pa niini dunay mga sektor usab sa katilingban nga padayon nga nangeta og hustisya alang sa mga biktima sa matud pa extrajudicial killings (EJK) nga gikutay sa war on drugs sa nakalabay nga administrasyon.
Dugang pa sa Malacañang, ang mga kasong gipasaka batuk sa kanhe Pangulo sa International Criminal Court (ICC) nagsumikad usab sa mga reklamong giduso sa pipila ka Pilipino nga nagtoong wala nila nakuha ang hustisyang gipangeta nila sulod sa nasud.
