BUTUAN CITY – Makig-alayon ang Department of Interior and Local Government kon DILG sa kon ICC aron hingpit nang makapanumpa si kanhi Pangulong Rodrigo Duterte human midaog pagka-mayor sa Davao City batuk kang Karlo Alexei Nograles.
Madumdumang nabilanggo sa ICC ang kanhi pangulo tungod sa kasong iyang gi-atubang nga crimes against humanity.
Sigon ni Interior and Local Government Sec Junvic Remulla, gi-ila sa gobyerno ang kada-ugan sa kanhi pangulo sa midterm elections ug ila na karong gitun-an ang pagpadala og usa ka consul ngadto sa ICC aron maoy mu-facilitate sa pagpanumpa sa kanhi pangulo.
Nasayrang base sa resulta sa eleksyon, namintina sa mga Duterte ang ilang pagdumala sa Davao City tungod sa nangdaug nilang mga kabanay nga karon anaa na sa tulo ka dekada.
Tungod kay dili makahimo ang kanhi pangulo sa iyang katungdanan, ang iyang anak nga si Sebastian ‘Baste’ Duterte maoy mulingkod isip mayor sa siyudad human nga siya usab ang midaog pagka-bise mayor.
Gipasabot ni Remulla nga limitado ang gahom sa usa ka acting mayor.
Gihulat na lang sa DILG ang hangyo nila sa ICC nga tugutan ang pagpanumpa sa kanhi pangulo sulod sa maong bilangguan.
