BUTUAN CITY – Gikumpirma ni kanhi Davao Prison and Penal Farm warden Supt. Gerardo Padilla, nga nakadawat siya og tawag gikan kang kanhi Pangulong Rodrigo Roa Duterte, nga nagtimbaya kaniya human napatay sa duha ka mga inmates ang tulo ka mga Chinese drug lords sulod sa prisuhan. Gihimo ni Padilla ang iyang affirmation sa usa ka supplemental affidavit ng gisubmite ngadto sa Quad Committee, nga iyang gipirmahan niadtong Septembre 4 ning tuiga.
Sa maong supplemental affidavit, gisuportahan ni Padilla ang una nang pamahayag ni Leopoldo “Tata” Tan Jr., kinsa nagbutyag nga mitwag matud pa si Duterte kang Padilla diin gitimbaya siya tungod sa malampusong misyon sa pagpapas sa tulo ka mga Chinese drug lords nga sila Chu Kin Tung alias Tony Lim; Li Lan Yan alias Jackson Li ug Wong Meng Pin alias Wang Ming Ping. Sigon ni Padilla, samtang nag-escort siya kang Tan ug Magdadaro, kinsa parehong nakaposas padulong ngadto sa Investigation Section sa maong prisuhan, nakadawat siya og tawag gikan sa kanhi presidente.
Gidugang ni Padilla nga iya gilayong gipahibalo ang iyang mga ka-ubanan nga mitawag kaniya ang pangulo ug gitimbaya siya. Gipadayag pa niini ang iyang kabalaka alang sa kaluwasan sa iyang pamilya sa Davao City, nga maoy rason nga ilyang gideklara sa kanhi niya counter-affidavit niadtong Agusto 27, 2024, nga wala siya makadawat og tawag gikan kang Duterte. Sa iyang ikaduhang supplemental affidavit nga gipitmahan niadtong Septembre 9, gi-uyunan ni Padilla ang gisaysay nga mga sirkumstansya ni policeman Jimmy Fortaleza kalabot sa kamatayon sa tulo ka mga Chinese drug lords.
Gi-angkon usab niini nga nakadawat siya og tawag gikan kang Royina Garma, kondiin gisultihan siyang dili maghilabot. Si Garma, usa ka iladong ka-alyado ni kanhi President Duterte, gitudlo isip general manager sa Philippine Charity Sweepstakes Office (PCSO). Usa siya sa mga resource persons sa Quad Committee hearings kagahapon nga nag-imbestigar sa extra-judicial killings, illegal drugs, ingon man mga POGO operations sa nasud.
