BUTUAN CITY – Gikwestyon sa Korte Suprema kung nahiuyon ba sa konstitusyon ang pag postpone sa 2025 Barangay ug Sanguniang Kabataan Election.
Sapetition nga gisang-at sa election lawyer nga si Atty. Romulo Macalintal, gisang-at niini ang punto nga labag kini sa katungod sa publiko nga mo botar. Wala matud pa nakab-ot sa kongreso ang gitakda sa Korte Suprema nga “valid, genuine, and reasonable” nga criteria arun isibog ang Barangay ug SK Elections ngadto sa Nobyembre sunod tuig, imbis nga karong desyembre.
Kahinumduman nga kanhi nang nag-file og petition si Macalinal sa samang isyu sa pagpostpone sa election kansa mao ang BSKE niadtung 2023.
Gideklara ang maong pagsibog sa Korte Suprema tungod kay kalapasan matud pa kini sa katungod sa mga tawo nga mobutar, ingon man sa grave abuse of discretion sa magmugna sa maong balaod.
