BUTUAN CITY – Nadikubrehan sa mga tigduki-duki sa Argentina ang usa ka bag-ong klase sa‘carnivorous’ nga buwaya kansa nabuhi 70 milyones katuig na ang nakalabay ug gituohang mokaon og sakto ka-dako lamang nga mga dinosaur.
Giila ang maong bag-ong klaese sa buaya nga Kostensuchus atrox, lakip kini sa nahanaw nga pamilya sa Peirosauridae.
Nadiskubrehan ang maong mga buaya sa El Calafate, probinsya sa Santa Cruz sa maong lugar, pinaagi sa mga paleontologist nga sila Fernando Novas ug Diego Pol, lakip ang mga tigduki-duki gikan sa Japan.
Lakip sa mga nakit-ang bilin sa maong hayop ang halos kumpletong bungo nga halos 50 sentimetro ang gitas-on, lakip na usab ang dakong bahin sa kalansay niini. Sumala sa mga researchers nga kasagarang sa yuta nabuhi ang nasangpit nga mga buaya, kun itandi sa mga parente niini karong sa tubig mabuhi.
Gikatahong kini ang nag-unang prey sa panahon niini ilabi na sa gidak-on niining 3-metros. Talag-saon ang bagolbagol niini tungod kay mas mubo, mas lapad, ug mas lig-on kay sa mga kasamtangan nga buaya.
Duna kini kapin sa 50 ka mga hait nga ngipon, nga ang uban moabot ug kapin sa 5 sentimetros ang gitas-on, nga adunay sulab nga haom sa paghiwa sa mga makuha niining unod.
