BUTUAN CITY – Gi-isyuhan na og show cause order sa Land Transportation Office Region 6 ang usa ka lalaking nakuhanan og video nga nagsayaw-sayaw ibabaw sa nag-dagan nga tricycle samtang naka-brief lang sa Iloilo City.
Gihimo sa maong lalaki ang delikadong stunt sa Diversion Road sa may Mandurriao sa maong syudad. Sa viral video, makita nga nagsuot usab og helmet ang maong batan-on, kansa hugot nga gikundina ni Land Transportation Office-Region 6 Director Atty. Guidioso Geduspan II tungod sa kapeligroso sa maong ka-siaw.
Sigon sa opisyal, gawas sa kaugalingon niini, delikado usab ang maong stunt sa ubang mga motorista. Nasayrang gi-awat sa maong batan-on ang sikat sa social media nga sinayawan sa usa ka Indonesian Teenager nga nag “aura farming” sa atubangan nga bahin sa dragon boat atul sa usa ka dragon boat race.
Unang ningsikat sa mga reels ang maong sayaw, diin kadaghanan sa mga misundog niini, nagsakay usab sa bisan unsang sakyanan isip “dub” gikan sa jeep, racing car, kotse, ug karon, tricycle.
