BUTUAN CITY – Gikundina sa duha ka mga kongresista si Vice President Sara Duterte tungod matud pa sa paggamit niini sa pulong nga “bobo” isip tubag niini sa mga pangutana kaniya mahitungod sa iyahang iyahang perminteng byahe laing nasod.
Sumala pa nila ni House Assistant Majority Leader ug Manila 1st District Rep. Ernesto “Ernix” Dionisio Jr., ingon man ni Lanao del Sur 1st District Rep. Zia Alonto nga dili matud pa dapat sa mga lider sa bansa ang maong mga poinulongan tungod kay gidaot lamang niini ang emahe sa pangamhanan.
Sigon ni Dionisio nga gilauman matud pang mamahimong ehemplo ang usa ka opisyal sa gobyerno, ilabi na sa kabataan.
Subay niini, gihimo pang ehemplo sa mga kongresista si President Ferdinand “Bongbong” R. Marcos Jr. isip lider nga nagpakita sa kalmadong pamatasan taliwala sa mga batikos nga nadawat niini.
Nabalaka usab si Adiong mahitungod sa batasan ug prayoridad sa Bise Presidente, ilabi na sa kanunay niining byahe sa gawas sa nasod.
Taliwala pa man nga wala na kini nakurat sa maong pamahayag ni Duterte, gipamugos gihapon ni Adiong nga kinahanglang taas ang standard sa diskurso sa mga opisyal sa gobyerno.
Sumala sa mambabalaod nga dili lamang repleksyon sa personalidad sa Bise Presidente ang mga pamahayag niini kundili lakip na usab sa buhatan nga gidala niini.
Gijhagit usab niini ang mga opisyal sa pangamhanan ibaling ang sa esensya sa hisgutanan sa matuod nga isyu kaysa sa mga insulto.
