BUTUAN CITY – Nagsugod na sa paglawig ang ikatulong civilian mission sa Atin Ito Coalition paingon sa West Philippine Sea sakay sa MV Kapitan Felix Oca. Mubisita ang maong kowalisyon sa El Nido, Palawan diin ipahigayon ang musical event alang sa pre-departure sa mga volunteers.
Human niini, libuton usab sa maong barko ang tibook Pag-asa Island alang sa sea concert para sa kalinaw ug panaghi-usa. Sumala ni Atin Ito Convenor Rafaela David, tumong sa maong konsyerto ang pagpabuhi sa espiritu sa mga komunidad sa mga lugar ilabina sa kabaybayunang sa West Philippine Sea pinaagi sa pagpalig-on sa ilang mga kasinatian ug mga pangandoy ug aron usab mapalambo ang panaghiusa sa matag-rehiyon ug sa mga mangingisda.
Dugang ni David, mulawig sila dala ang mga kanta ug kultural nga mga sugilanon sa mga mangingisda ug dili mga warships tungod sa pagdumot.
Subay niini nakadawat na og suporta ang Armed Forces of the Philippines ug Philippine Navy gikan sa nagkadai-yang civic groups nga andam mohatag sa ilang hinabang alang sa maong misyon.
