BUTUAN CITY – Naglaum ang gobyerno sa Amerika nga molurang na ang agresibong mga aksiyon sa West Philippine Sea. Kini human sa nahitabong panagbangga sa duha ka barko sa China samtang gi babagan niini ang Pilipinas duol sa Scarborough Shoal niadtung Lunes, Agosto 11.
Sumala ni US Ambassador to the Philippines Mary Kay Carlson, naglaum matud pa ang maong nasod nga mamahong“watershed event”ang maong aksyon sa China arun molurang na ang pagpangharrass niini sa West Philippine Sea. Giklaro usab sa US envoy ang pagdeploy og duha ka mga barkong panggyera sa US Navy nga USS Higgins ug USS Cincinnati dool sa Panatag Shoal (Scarborough Shoal) usa ka adlaw humannagbangga ang mga barko sa China sa maong lugar.
Gidepensahan usab ni Amb. Clarkson ang maong lakang sa US Navy isip parte matud pa kini sa ilahang freedom of navigation operations (FONOPs) sa rehiyon.
Sumala sa US envoy, committed ang US military sa pag-operate sa usab sa air space sa Pilipinas, dagat, ug uban pang gitugot sa international law. Dugang niini, gidayeg usab sa envoy ang propesyunalismo sa Philippine Coast Guard sa naguba nga barko sa China.
