BUTUAN CITY – Gipaniguto sa Cybercrime Investigation and Coordinating Center (CICC) nga duna kini igong kagamitan para ma-detect ang mga ‘pekeng videos’ nga ning kuyanap online.
Sumala ni Deputy Executive Director Atty. Renato ”Aboy” Paraiso sa CICC, gamit matud pa nila ang Threat Monitoring Center kansa mao usay gigamit niadtung eleksyon.
Saad sa opisyal nga makasiguro matud pa ang publiko nga dili nila pasagdan ang mga posibleng kadaot nga resulta sa mga deepfake videos o Artificial Intelligence online generated content.
Tungod niini, isipon matud pang nakalapas sa balaod ang mga tig-mugna og kadaot gamit ang maong mga AI generated videos.
Subay niini, silotan matud pa ang mga masakpan sa CICC bisan kadtung mga dunay kalabutan sa mga indibidwal nagahimog ilegal gamit ang nasangpit nga mga AI Videos.
Kahinumdumang ning Hunyo 25, ning kuyanap ang mga video sa internet nga gigamit ang imahe mismo ni President Ferdinand ‘Bongbong’ Marcos Jr.
