BUTUAN CITY – Gibulgar ni Senador Panfilo “Ping” Lacson nga duha sa mga opisyal sa Department of Public Works and Highways (DPWH) sa Bulacan ang napildi og tag-P300 milyon sa casino gambling kinsa migamit pa og alyas aron matago ang ilang identity.
Sumala ni Lacson, nasubmite na niya ang impormasyon mahitungod sa maong mga opisyal kang bag-ong DPWH Secretary Vince Dizon. Usa kanila ang district engineer, samtang anaa usab sa ubos nga posisyon ang lain pang usa.
Gisubmite ni Lacson ang nasangpit nga impormasyon kang Dizon pinaagi sa prospective staff nga kanhi niining katrabaho sa Philippine National Police (PNP). Subay sa impormasyon, Salary Grade 19 o mas ubos pa ang sweldo sa nasangpit nga opisyal.
Pamugos sa Senador, bawal nga modular sa casino ang mga opisyal sa kagamhanan, ilabina nga duna’y nagtunhay nga memorandum circular niini niadtung 2016.
Ang pamahayag ni Senador Ping Lacson.
