BUTUAN CITY – “Deserve!”, kini ang unang reaksyon ni Kabataan partylist 1st nominee Renee Co human kini gipanguitana mahitungod sa iyahang reaksyon sa suspensyon sa proklamasyon sa Duterte-Youth partylist kagahapong adlawa.
Sumala sa abogadang si Co nga unang lakang pa lamang matud pa ang maong diskwalipikasyon sa dugay nang singgit sa mga kabataan mahitungod sa maong partylist sukad niadtung nilansad kini niadtung 2019 midterm elections.
Sigon ni Co, gawas sa mga anumalya sa registration sa Duterte-youth nga illegal ug unconstitutional, wala usab matud pa niini nahatagan og pagtagad ang matuod nga problema sa mga kabataan sa nasod kansa mao ang edukasyon, trabaho, sebisyo, katungod, tinood nga kagawasan ug identity.
Dugang ni Co nga gi welcome matud pa sa Kabataan Partylist ang nasangpit nga lakang COMELEC ug andam matud pa silang bantayan ang mga mosunod pang lakang niini. Lakip sa nasuspendi ang proklamasyon uban sa Duterte Youth mao ang Bagong Henerasyon Partylist.
Suspendido una ang proklamasyon sa duha ka partido tungod matud pa sa nag ung-ong nga petisyon alang sa ilahang diskwealipikasyon.
