BUTUAN CITY – Giila dili lang isip apohan, kundili lider nga puno sa aksyon ug baruganan alang sa katawhan ang Lokal Hero sa Agusan del Norte nga si Lt. Col. Luis Cassion. Kini ang gipaambit sa apo-sa-tuhod niining si Tina Cassion.
Si Luis Cassion kay usa matud pa sa nangulo kaniadtu sa mga katawhan ning rehiyon nga batukan ang mga KAstilang mananakop. Sumala sa kasamtangang head sa Butuan City Transportation and Traffic Management Department kon CTTMD-Butuan nga subo lamang matud pang sud-ongon nga walay nabiling historical records ang apohan niini, bisan mga litrato man lang.
Rason nga ang mga kasamtangang madungog mahitungod kang Luis Cassion, kay kasaysayan nalang nga gipasa-pasa pinaagi sa estorya sa mga pamilya niini. Sumala sa opisyal nga ang kasibot matud pa sa apohan niini ang nakapadasig kaniya nga moapil kaniadtu sa kalihukan alang sa kalambuan, apan taliwala pa man nga wala na kini karon sa kalihukan, gi dedekar gihapon niini ang iyahang kinabuhi alang sa pagtabang sa laing tawo ug sa kalambuan sa laing pamaagi.
Dugang sa opisyal, dili lamang pangalan si Luis Cassion, kundili pondasyon matud pa kini sa identity sa ilahang pamilya.
Ang pamahayag ni Kristina Cassion, apo-sa-tuhod sa local hero nga si Lt. Col. Luis Cassion.
